Voziti autobusin drejt Gjermanisë 31 orë pa ndal, shoferit kosovar i ndodhë e papritura

Drejtoria për kontrollimin e mjeteve të rënda në Koblenz ka ndaluar një autobus nga Kosova që udhëtonte në linjen Pejë-Dortmund.

Realizimi i kontrollimit është bërë në Monmtabaur në autostradën A3.

Gjatë kontrollimit të biletave ishte konstatuar se autobusi ishte nisur nga Peja më 11 nëntor në ora 7:00 të mëngjesit.

Shoferi kishte deklaruar se në autobus ishte edhe një shofer i dytë, por më pas u vërtetua se ishte edhe një i tretë që gjendej aty.

Inspektorët e kontrollit poashtu panë se në diagramin e shënimeve mungonin 1 mijë e 200 kilometra raporton Blickaktuell.de

Ata verifikuan edhe kohën e ngasjes ku doli se shoferi kishte vozitur pa ndal për 31 orë apo rreth 10 orë më shumë se koha e lejuar.

Poashtu doli se edhe shoferët e tjerë nuk e kishin drejtuar fare autobusin gjatë rrugëtimit nga Peja për në Gjermani.

Autobusit iu ndalua vazhdimi i rrugës tutje për shkak se kishte edhe defekte serioze.

Për tre shoferët dhe për firmën e autobusit janë iniciuar procedura përkatëse të procedurës administrative, ose gjithsej 5 mijë euro gjobë.

Shtatë udhëtarët e autobusit janë bartur me një autobus tjetër deri në vendin e destinimit.

Leave a Reply