Të vetëkarantinuar pa rrogë e të izoluar, Bashkia e Tiranës kërkon që banorët të paguajnë edhe dizinfektimin (Foto)

Pa rroga pa të ardhura, banorët e Tiranës janë izoluar në banesë më shpresën që kjo situatë do të mbarojë shumë shpejt, për t’ju kthyer normalitetit në punë.

Por ndërkohë që ende nuk dihet sa do zgjasë kjo situatë, Bashkia e Tiranës u ka shtuar një taksë të re banorëve.

Në këto ditë të vështira, Bashkia u kërkon qytetarëve të paguajnë për të disefektuar banesat e tyre për koronavirusin.

Bashkia e Tiranës i ka kërkuar administratorëve të caktuar prej saj në objektet e banimit në kryeqytet që të mbledhin pagesa nga familjet për të bërë dezinfektimin e mjediseve ku ata jetojnë.

Kërkesa ka nisur të zbatohet dhe administratorë pallatesh kanë shpërndarë njoftime duke u kërkuar familjeve pagesa që në objekte të ndryshme banimi sipas numrit të familjeve që jetojnë do të jenë të ndryshme.

Në një njoftim që shihni dhe në foto administratori i pallatit u ka kërkuar nga 400 lekë të reja çdo familjeje duke ua vënë si kusht për dezinfektimin e ambienteve të përbashmëta dhe përreth.

Njoftimi thotë e pjesa tjetër e shpenzimit do të mbulohet nga bashkia Tiranë por nuk sqaron se sa lshtë niveli i mbulimit. Më herët për riparime pallatesh bashkia ka ofruar gjysmën e shpenzimeve.

Në njoftim bëhet e qartë se po nuk u paguan paratë nuk do të ketë dezinfektim.

Kërkesa për pagesë për dezinfektimin vjen ndërkohë që shumë qytetarë po kërkojnë masa ndihme për të përballuar kolapsin në të cilin e ka futur vendin infeksioni i koronavirusit./albeu

Leave a Reply