Papa Françesku: I kërkova Zotit që ta ndalonte epideminë me dorën e tij

Papa Françesku ka folur për urgjencën globale të shkaktuar nga koronavirusi në një intervistë ekskluzive për gazetën Repubblica.

Ai është shprehur se në këtë kohë duhet sa më shumë dashuri ndaj njëri tjetrit dhe besim se gjithçka do të shkojë mirë.

Papa u shpreh:

Unë i kërkova Zotit që të ndalonte epideminë: Zot, ndaloje atë me dorën tënde. Unë u luta për këtë.
Papa i kalon ditët e tij në Vatikan por e mban veten vazhdimisht të informuar për ecurinë e pandemisë. Ai beson se afrimiteti dhe dashuria ndaj familjarëve tanë është një nga gjërat më të rëndësishme këto ditë të vështira.

Papa shton:

Në këto ditë të vështira edhe gjestet më të vogla na afrojnë shumë me personat që kemi pranë, një përkëdhelje për gjyshërit tanë, një puthje për fëmijët tanë, për njerëzit që ne i duam. Ato janë gjeste të rëndësishme, vendimtare. Nëse jetojmë këto ditë si kjo, ata do të jenë pranë nesh.
Për ateistët ai thotë se edhe nëse nuk besoni në Zot, duhet të besojnë në dashurinë e familjes së tyre.

Leave a Reply