Lladrovci: Në Ambasadë ka pasë diplomat që nuk ka ditë me shkru në kompjuter

Kryetari i Komunës së Drenasit, Ramiz Lladrovci, i cili ka qenë ambasadori i Kosovës në Shqipëri, ka komentuar shkarkimet e fundit nga ana e Ministrisë së Punëve të Jashtme të të gjithë ambasadorëve politikë.

“Të gjitha partitë në pushtet i kanë ambasadorët politikë, jo të karrierës por politikë. Në mesin e tyre jam kanë edhe unë. Në momentin kur vjen dikush tjetër në pushtet, e ka të drejtën legjitime me i tërheq ambasadorët politikë e më i çu ambasadorët e vet.

Vendimi i Qeverisë është në rregull, nuk është dashur me i tërheq krejt përnjëherë se duhet me i zgjedh njëherë, e me i paralajmëru se përgatitu se nuk je më vonë. Se kanë edhe kontrata me banesa atje e duhet me u shkarku e nesër pastaj s’mundesh me u kthy, se kaq shpejt veç ai që ka bë ndonjë incident duhet me u kthy.

Më duket se i kanë dhanë afat, por nuk duhet me e lanë ambasadën në nivel sekretarësh”, tha Lladrovci.

“Në vlerësim të diplomatëve, unë i kam thanë Ministrisë se filan diplomatin trajnone se keni çu diplomat e s’din me shkru me kompjuter. Nuk e kanë trajnu, po te unë nuk ka nejtë se e kam kthy”, shtoi ish-ambasadori.

Leave a Reply