“I thoni atij zagarit të flasë me mua”, i moshuari s’u bindet policëve që i thonë të shkojë në shtëpi, kapet me Ramën në distancë

Një burrë i moshuar nuk u është bindur efektivëve, pavarësisht thirrjes së tyre për ta ngritur nga stoli ku ishte ulur dhe për ta futur në shtëpi. Në një video të publikuar nga Dosja.al shihet se si dy policë nga Policia Bashkiake kanë ndaluar pranë një stoli ku ishin ulur dy të moshuar.

Teksa ulën xhamin dhe u thanë që duhet të shkonin në shtëpi, i moshuari nuk u bind dhe vijonte të luante në telefon. Dy policët zbritën nga makina.

“Po çfarë bëni kështu, as maska as masa mbrojtëse as asgjë. Ka dalë urdhri, duhet të rrini brenda,”- thotë ai.

“Çfarë urdhri ore çfarë urdhri. Thoni atij zagarit, Ramës të vijë të flasë me mua. Ja pra donit me u fut në Europë, doni lëvizje të lirë? Na lini pra tani. Tani do kyçemi ne?‘- thotë ai dhe nuk lëviz nga stoli.

Efektivët ikin nga vendi i ngjarjes me makinën e tyre, asnjë masë e marrë dhe i moshuari bashkë me shokun e tij mbeten sërish në stol, pa masa mbrojtëse dhe me rrezikun për ta marrë Covid-19 dhe për ta transmetuar atë.

Leave a Reply